患：我就系觉得个头好痛……
医：你同我详细D讲下，痛咗几耐？
患：三日吧，琴日开始变得好犀利
医：点样个痛法？针拮咁？定系好似炸弹爆炸咁？抑或一跳一跳咁痛？
患：好似要针拮咁
医：系边个部位痛？额头？两边？头顶？抑或后尾枕？
患：左边太阳穴附近
医：系一直咁痛，定系一阵一阵
患：一直系咁痛，几乎无停过
医：除咗头痛，仲有咩唔舒服？譬如，有无呕？
患：无呕，但系痛到连食啖饭、饮啖水都好难顶，其他好似无
医：有无最近觉得睇嘢会模糊？
患：我有近视同散光，感觉同之前差唔多
医：大小便同训觉呢？
患：大便干，小便仲可以，几晚都无点训过
医：头痛之前有无咩唔舒服，譬如有无外伤啊？
患：无啊
医：咁之前有无出现过类似情况啊？
患：有，近呢几年，每年都会发作一两次，但系，基本上好快就好，唔似呢次咁犀利
医：以前身体仲有无其他情况，譬如高血压？糖尿病？
患：糖尿病无，高血压都有好几年了
医：血压咩水平？有无治疗过？
患：之前血压都还可以，150/90，食咗几年药，后面觉得无咩就停咗，啱先护士同我测话180/110
医：你跟我过黎，我同你检查下，训上张床，除咗只袜
患：……
医：你自己有无降压药，有就先食
患：无带啊
医：咁你先将我开俾你既降压药食咗，然后测个血压，等血压平稳咗之后，我同你安排个CT睇睇，唔好自己离开医院，通知你D屋企人黎医院。
患：咁严重咩……
患：医生，唔知系唔系琴晚食错野啊，食完之后就开始觉得肚痛，之后就开始又屙又呕，好辛苦啊
医：你讲嘅系琴晚几时嘅事？之前食左咩？
患：大概晚上八九点，就食作碟炒牛河
医：你系一个人，定系同其他人一齐食？
患：我同屋企人一齐食，但就得我自己系咁……
医：你呕出黎系D咩？系食物残渣？抑或有D黑嘅，或者有无见到血？
患：无啊，就好似食咩呕咩，黄胆水都呕晒出黎，家下乜都无，干呕
医：大小便呢？
患：屙作好多次，都系水，小便无问题
医：你觉得肚痛嘅情况同之前有无咩变化？
患：啱开始系肚脐附近，而家好似走左去右边
医：仲有无其他唔舒服？
患：觉得头晕眼花、成身软赖赖，有气无力，仲有少少怕冻
医：啱先护士同你测作个体温39°，你发烧啦
患：咁点算啊？我得左乜病？
医：你跟我过来，我检查下先
患：好
医生：除鞋，训上张床，之后将膝头弯上去，将件衫往上拉
患：……
医：而家我摁呢度痛唔痛？呢度呢？
患：痛
医：我放手痛唔痛，会唔会比之前痛
患：哎呀
医：你身体之前有无其他毛病，或者会唔会对咩过敏
患：唔知啊，应该无吧
医：我怀疑你阑尾炎，你拍张片、做个超声，然后在抽个血，结果出来之后再搵我
患：多谢医生
25题 | 被引用0次